नाइमा एक्स्पोमा गाडी किन्ने ५.२५ प्रतिशतमै लोन 

काठमाडौंमा मंगलबारदेखि गाडीहरुको मेला नाइमा मोबिलिटी एक्स्पो सुरु भएको छ । यही अवसर पारेर बैंकहरुले गाडी किन्नका लागि कर्जाका विशेष योजनाहरु घोषणा गरिरहेका छन् । 

ग्लोबल आइएमई बैंकले नाइमा मोबिलिटी एक्सपोमा नयाँ गाडी किन्ने ग्राहकलाई ५.२५ प्रतिशत ब्याजदरमै ऋण दिने बताएको छ । यो ब्याजदर बैंकको आधार दर अर्थात् बेसरेट घटबढ भएमा घटबढ पनि हुन सक्छ । 

बैंकले नाइमा अटो एक्सपोमा नयाँ इभी गाडी किन्ने ग्राहकलाई ३ वर्षका लागि ५.९९ प्रतिशतको स्थिर ब्याजदरको योजना ल्याएको छ । ३ वर्षपछि भने कर्जाको ब्याजदर बैंकको बेस रेट भन्दा २ प्रतिशतसम्म बढी हुन सक्छ । 

ग्लोबल आइएमई बैंकले नाइमा अटो एक्सपोमै स्टल राखेर गाडी किन्न इच्छुक ग्राहकको कर्जा प्रक्रिया अगाडि बढाउने व्यवस्था गरेको छ । ऋण लिएर गाडी किन्न चाहनेहरुले बैंकको स्टलमै ऋणको लागि आवेदन दिन सक्नेछन् ।

कागजपत्र पूरा भएमा आवेदन दिएको ३ दिनमै कर्जा स्वीकृत पनि हुन सक्छ ।