दिल्लीको भन्दा धनगढीको भाडा किन महँगो ? यस्तो छ हवाई भाडाको अर्थशास्त्र

काठमाडौंबाट भारतको राजधानी नयाँ दिल्लीको भाडा १२ हजार रुपैयाँ । अनि काठमाडौंबाटै नेपालको धनगढीसम्मको भाडा चाहिँ २२ हजार रुपैयाँ ।  

धनगढीको मात्रै के कुरा, अहिले नेपालको जुनसुकै गन्तब्यमा बाइ एयर जान्छु भन्नुभुयो भने  तपाईंले नसोचेको भाडा तिर्नुपर्छ ।

चाडबाडमा जब धेरै मान्छेहरु एकसाथ आवात जावत गर्न थाल्छन्, हवाई भाडाले आकाश छोइहाल्छ । एक त सजिलै टिकट पाइँदैन, पाइहाले पनि साह्रै महँगो मात्रै ।

आखिर किन हरेक चाडपर्वमा नेपालभित्र आन्तरिक हवाई भाडा अनियन्त्रित रुपमा बढ्छ ? यसको पछाडि कुनै नीतिगत, कानुनी वा प्राविधिक कारण छ कि एयरलाइन्स कम्पनीको स्वार्थमा यो सबै भइरहेको छ ? अनि सरकार किन सधैं निरीह देखिन्छ ? यसको स्थायी वा दिगो समाधानको बाटो के हो ?