सरकारले नै रोक्यो फाइभनीको विस्तार र अर्बौंको लगानी

नेपालमा फाइभ–जी किन छैन ?  यसको जवाफ खोज्न थालियो भने नेपाल टेलिकमले भन्छ–लगानी अनुसारको बजार छैन । विज्ञहरु भन्छन् –सरकारलाई नै चासो छैन । उपभोक्ताहरु भन्छन् – मोबाइल कम्पनीहरुले चाहेकै छैनन् । सरकार भन्छ – चाँडै ल्याउँछौं तर यो प्रविधि कहिल्यै आएन!

सरकारी कम्पनी नेपाल टेलिकम फाइभ–जीमा जान खुट्टा कमाइरहेको छ । तर, प्राइभेट सेक्टरको एनसेल फाइभजीका लागि तयार छ, तर सरकार नै सम्पत्ती  सरकारीकरणको डर देखाएर एनसेलको लगानी रोक्न अग्रसर छ ।

सरकारलाई थाहा नभएको हैन, अब पनि नेपाल फाइभजीमा गएन भने हामी सूचना प्रविधिमा विश्वकै पछौटे समाज हुनेछौं । किनकी विश्वमा फाइभजी व्यवसायिक प्रयोगमा आएको नै ७ वर्ष भइसक्यो । छिमेकी भुटानमा समेत फाइभजी सेवा छ । 

त्यसो भए नेपालमा फाइभजी लन्च किन भएन ? एनसेल लगानी गर्न तयार हुँदाहुँदै पनि किन सेवा सुरु गर्ने सुरसार समेत छैन ? अनि एनसेलको सरकारीकरणको तयारीले कसरी लगानीको वातावरण बिथोल्दैछ ? आउनुहोस्, यिनै प्रश्नको उत्तर एकदमै सरल र तथ्यपरक ढंगले बुझौं ।