कांग्रेस केन्द्रीय समिति बैठक २ दिन सर्‍यो

नेपाली कांग्रेसको केन्द्रीय समितिको बैठक २ दिन पछि सरेको छ । यसअघि असोज २६ गते बस्ने तय भएको बैठक असोज २८ गते बस्ने गरी तोकिएको प्रवक्ता डा. प्रकाशशरण महतले जानकारी दिए । 

कांग्रेसको केन्द्रीय कार्यसम्पादन समितिको बैठक चलिरहेको छ । यो बैठक लम्बिएका कारण केन्द्रीय समितिको बैठक पछि सारिएको हो ।

जेनजी आन्दोलनपछि नेपाली कांग्रेसभित्र नेतृत्व परिवर्तनको विषय उठेको छ । देशभरका महाधिवेशन प्रतिनिधिमध्ये आधाजसोले नेतृत्व परिवर्तनका लागि विशेष महाधिवेशन गर्नुपर्ने माग गर्दै हस्ताक्षर गरेका छन् । 

महामन्त्रीहरु गगन थापा र विश्वप्रकाश शर्मा नियमित महाधिवेशन वा विशेष महाधिवेशनबाट नेतृत्व परिवर्तनको पक्षमा छन् ।

हेर्नुहोस् का‌ंग्रेसको सूचना