माओवादी र एकीकृत समाजवादी एकतापछिको बैठक कात्तिक २० गते

नेकपा माओवादी केन्द्र र एकीकृत समाजवादीसहितका दलको एकतापछिको बैठक कात्तिक २० गते हुने भएको छ । 

आइतबार बसेको माओवादी सचिवालय बैठकले एकीकृत समाजवादीसँग पार्टी एकता गरेर कात्तिक २० गते संयुक्त बैठक गर्ने निर्णय गरेको छ । 

बैठकपछि माओवादी नेता अग्निप्रसाद सापकोटाले भने, ‘एकीकृत समाजवादी लगायतका एकतामा आउनेहरुको बैठक २० गते बस्ने कुरा भएको छ । ...फेरि एकता भएपछि हामीले नयाँ दल दर्ता गर्नुपर्छ निर्वाचन आयोगमा । त्यो दल दर्ता गर्ने विषयमा बढी छलफल भएको थियो ।’

माओवादी केन्द्रले शनिबारको सचिवालय बैठकबाट एकीकृत समाजवादीलगायत अरु केही दलसँग एकता गर्ने निर्णय गरिसकेको छ । तर माओवादी नेता जनार्दन शर्माले भने एकीकृत समाजवादीसँगको एकतामा असहमति राख्दै बैठक बहिस्कार गरेका छन् ।