राजनीति

मधेशकी प्रदेश प्रमुख बर्खास्त

नेपाल शो

सोमबार, कात्तिक २४, २०८२

सरकारले मधेशकी प्रदेश प्रमुख सुमित्रा सुवेदी भण्डारीलाई बर्खास्त गरेको छ ।

सोमबार बसेको मन्त्रिपरिषद बैठकले भण्डारीलाई बर्खास्त गरेर सुरेन्द्र लाभ कर्णलाई प्रदेश प्रमुखमा नियुक्त गर्ने निर्णय गरेको सरकारका प्रवक्ता सञ्चारमन्त्री जगदिश खरेलले जानकारी दिए ।

उनका अनुसार मधेश प्रदेशमा सरकार गठनका सिलसिलामा खेलेको भूमिका कारण प्रदेश प्रमुख भण्डारीलाई बर्खास्त गरिएको हो ।

प्रदेश प्रमुख भण्डारीले सोमबार एमाले संसदीय दलका नेता सरोजकुमार यादवलाई मुख्यमन्त्री नियुक्त गरेकी थिइन् । र उनलाई बर्दिबासको एक होटलमा नियुक्ति दिनुका साथै शपथ गराएकी थिइन् ।

प्रकाशित मिति: सोमबार, कात्तिक २४, २०८२