ओलीको हारमा आफ्नो जित देख्नेहरु एमालेमा बढ्दो छ

राजनीतिक विश्लेषक पुरञ्जन आचार्य, मतदाताको चुनावी मुड बुझ्न माहिर छन् । उनी आफैं विराटनगरका । त्यसमाथि तीन साता झापा, मोेरङ र सुनसरीको क्षत्रमा पुगेर काठमाडौं आएका छन् । त्यसले हामीले झापा ५ को चुनावी माहौल के छ भनेर हामीले राजनीतिक विश्लेषक अचार्यलाई सोध्यौं :
उनका विश्लेषण छः

• यो पटकको चुनावमा प्रत्यक्षतर्फ १० देखि २०% भोट स्विङ हुनसक्छ । समानुपातिकतर्फ चाहिँ २५ देखि ३०% नै भोट स्विङ हुनसक्छ । यसको लाभ रास्वपाले लिने देखिन्छ । प्रत्यक्षतर्फ कांग्रेस पहिलो पार्टी हुन्छ । समानुपातिकतर्फ रास्वपा पहिलो पार्टी हुन्छ । समग्रमा ठूलो दल कुन भन्नेमा कांग्रेस र रास्पपाको प्रतिस्पर्धा छ । 
• झापा ५ को कुरा गर्नुपर्दा जुन दिनसम्म म त्यहाँ थिएँ, त्यो दिनसम्म बालेनको क्रेस थियो । बालेन राम्रै एक नम्बरमा थिए, धेरै अन्तरले एक नम्बरमा थिए । त्यसका केही कारणा छ । एउटा घन्टीकै क्रेज छ । अर्को बालेनको प्रवेशले अर्को क्रेज छ । बालेनले काठमाडौँमा धेरै ठुलो सुधार गरेका छन् भन्ने बिम्ब बनेको छ ।
• एमालेको कार्यकर्ता थकित, संगठन लेथार्जेटिक पाए । उनीहरुले बालेनलाईे जिताउन प्रयत्न त गर्दैनन्, तर बालेन हारोस भनेर त्यो जुन अतिरिक्त उर्जा निकाल्नु पर्ने हो, त्यसमा पनि रुचि छैन । त्यही रिड गरेर होला, चार पटक प्रधानमन्त्री भइसकेका केपी ओली घरघरमा जान थाल्नु भएको छ । नभए पहिला उहाँले यस्तो गरेको थाहा छैन । 
• मैले नोट गरेको अर्को कुरा के हो भने केपी ओली हार्दा संविधान, यो व्यवस्था जोगिन्छ कि केपी ओलीलाई जिताउँदा भनेर अन्य पार्टीहरुको बीचमा खलबली मचिन थालेको छ ।
• चुनाव भनेको प्राविधिक कुरा पनि हो । गिरिजा प्रसाद कोइरालाले भन्नुहुन्थ्यो, लोकल इलेक्सन नगर्दासम्म ग्रासरुटमा डेमोक्रेसी जाँदैन । राष्ट्र स्वतन्त्र पार्टीले अहिलेसम्म लोकल इलेक्सन लडेको छैन । त्यही कारण संगठन बन्न सकेको छैन । जबकी चुनावका दिन मतदातालाई बुथसम्म ल्याएर मतदान गराउन संगठन चाहिन्छ । एमालेसँग त्यो स्ट्रक्चर छ । पार्टीहरु हात्ती हुन् । बिस्तारै उठ्छन्, उठिसकेपछि घोडा भएर दौडिन्छन् । अनि चुनावको दिन सम्म पुग्दा रकेट भइहाल्छन् । त्यसले मुख्य चुनाव अब हुन्छ ।