रास्वपाको पक्षमा खुले शेर्पा 

नेपाली कम्युनिष्ट पार्टी छाडेका मिङ्मा डण्डु शेर्पा राष्ट्रिय स्वतन्त्र पार्टी (रास्वपा) को पक्षमा खुलेका छन् ।

शेर्पाले केही दिन अगाडि मात्र नेपाली कम्युनिष्ट पार्टीको केन्द्रीय सदस्य पदबाट राजीनामा दिएका छन् । 

ताप्लेजुङ शेर्पाले २०५६ सालमा एमालेबाट राजनीति सुरु गरेका थिए । २०६२ सालदेखि माओवादीमा लागे । वाईसीएलको उपाध्यक्षसम्म भएका शेर्पा पछिल्लो समय केन्द्रीय सदस्यको भूमिकामा थिए । नयाँ शिराबाट राजीनामा सुरु गर्ने भन्दै उनले नेपाली कम्युनिष्ट पार्टीको साधारण सदस्य समेत नरहने राजीनामा दिएका थिए । ‘यो निर्णय कुनै क्षणिक भावनाको उपज होइन, अवसर नपाएको कुण्ठाबाट उत्पन्न भएको पनि होइन’, राजीनामा पत्रमा उनले लेखेका थिए, ‘यो गहिरो आत्ममन्थन, जिम्मेवारीबोध र भविष्यप्रतिको सचेत दृष्टिकोणबाट लिइएको निर्णय हो ।’