नेता र कर्मचारीको सम्पत्ति जाँचबुझ गर्न बन्यो आयोग 

२ वैशाख, काठमाडौं । सरकारले सार्वजनिक पद धारण गरेका नेता तथा कर्मचारीहरुको सम्पत्ति छानबिन गर्न जाँचबुझ आयोग बनाएको छ । 

बुधबार बसेको मन्त्रिपरिषद् बैठकले २०६२/६३ सालदेखि २०८२/८३ सम्म सार्वजनिक पद धारण गरेका प्रमुख राजनीतिक पदाधिकारी तथा उच्च पदस्थ कर्मचारीहरूको सम्पत्ति विवरण संकलन तथा छानबिन गर्न पूर्वन्यायाधीश राजेन्द्रकुमार भण्डारीको संयोजकत्वमा सम्पत्ति, जाँचबुझ/छानबिन आयोग गठन गरेको हो ।

आयोगका सदस्यहरूमा पूर्वन्यायाधीशहरू चण्डीराज ढकाल, पुरुषोत्तम पराजुली, पूर्व प्रहरी नायब महानिरीक्षक गणेश केसी र चार्टर्ड एकाउन्टेन्ट प्रकाश लम्साल छन् ।

बैठकले भदौ २३ र २४ को घटनाबारे गौरीबहादुर कार्की नेतृत्वको आयोगले सुरक्षा संयन्त्रहरुको सिफारिसबारे अध्ययन गर्न पूर्व न्यायाधीश प्रेमराज कार्कीको संयोजकत्वमा आयोग बनाएको छ ।