राजनीति

५ महिनापछि पार्टी काममा फर्किए रवि लामिछाने

नेपाल शो

सोमबार, चैत १८, २०८१

राष्ट्रिय स्वतन्त्र पार्टीका सभापति रवि लामिछाने करिब ५ महिनापछि पार्टी काममा फर्किएका छन् । सहकारी ठगी प्रकरणमा गत कात्तिकमा पक्राउ परेपछि उनी पार्टी कामबाट अलग थिए ।
अदालतबाट धरौटीमा छुटेपछि पनि लामो समय मौन रहेका उनी सोमबार पार्टीको काममा सक्रिय भए । केन्द्रीय समितिको बैठकमा जानु अगाडि पत्रकारहरुसँग कुरा गर्दै उनले सरकारको षड्यन्त्र अझै नसकिएको बताए ।
पार्टी कार्यालयमा सम्बोधन गर्दै उनले भने, ‘सरकारले मलाई जिँउदै छोडेको छ, यही नै मेरो जित हो ।’ उनले विस्तृतमा भने चितवनमा सभा गरेर बताउने घोषणा गरेका छन् ।

प्रकाशित मिति: सोमबार, चैत १८, २०८१