गृहमन्त्रीबारे रास्वपा : हामी प्रश्न सोध्छौं, त्यसपछि जवाफ सुनौंला 

१२ जेठ, काठमाडौं । राष्ट्रिय स्वतन्त्र पार्टी (रास्वपा) ले भिजिट भिसा प्रकरणमा गृहमन्त्रीले जवाफ दिनु अगाडि प्रश्न सोध्ने बताएको छ । 

प्रतिनिधिसभा (संसद)को बैठक भोलि १३ गते बोलाइएको छ । बैठकमा गृहमन्त्री रमेश लेखकले भिजिट भिसा प्रकरणमा जवाफ दिने तयारी गरेका छन् । 

रास्वपा संसदीय दलको बैठकले भने भिजिट भिसा प्रकरणलाई सशक्त रुपमा उठाउने निर्णय गरेको छ । सांसद मनिष झाले भने, प्रश्न त सोध्न पाउनुपर्‍यो । प्रश्न नै सोध्न नपाई जवाफ दिएर लुसुक्क हिँड्ने हुँदैन । हामीसँग केके प्रमाण छ भनेर उहाँलाई के थाहा छ ?’ 

रास्वपाले पार्टी सभापति रवि लामिछाने गृहमन्त्री भएको बेला सहकारी प्रकरणमा बोल्न दिनुस्भन्दा कांग्रेसले संसदको २२ वटा बैठकसम्म नदिएको स्मरण गरे । यद्यपि रास्वपाले त्यसो नगर्ने र आफ्नै चरित्र संसदमा देखाउने बताए ।