वैकल्पिकको नारा पुरानै पारा

नेपालमा स्थापित राजनीतिक दलहरु बिग्रिए, तिनीहरुले मुलुकका समस्या समाधान गर्न सक्दैनन्, अब वैकल्पिक शक्ति चाहिन्छ भनेर धेरै दलहरु खुले । २०७२ सालमा संविधान जारी हुनेवित्तिकै नेकपा माओवादी छाडेर डा. बाबुराम भट्टराईले नयाँ शक्ति पार्टी खोले । 

विवेकशील नेपाली दलले वैकल्पिक राजनीतिको अभ्यास गरिरहेको थियो । पछि रवीन्द्र मिश्र पनि साझा पार्टीको नाममा वैकल्पिक राजनीति गर्ने भन्दै आए । रवि लामिछानेले पनि पुराना दलको विकल्प भन्दै राष्ट्रिय स्वतन्त्र पार्टी खोले । 

गत चुनावमा रास्वपाले प्रतिनिधिसभामा २० सिट जित्यो । मधेशमा जनमत पार्टी र पश्चिम तराईमा नागरिक उन्मुक्ति पार्टीले चुनाव जित्नुमा पनि उनीहरुको स्थापित दलको विकल्प भन्ने दाबी प्रमुख कारण थियो । 

तर उनीहरु वैकल्पिक राजनीतिको बाटो हिँडेका छन् त ? कि भनाइ र गराइमा तालमेल मिलेको छैन ?