राजनीति

संविधान संशोधनका लागि कार्यदल बनाउने कांग्रेसको निर्णय

नेपाल शो

सोमबार, असार २३, २०८२

संविधान संशोधनका लागि कार्यदल बनाउने कांग्रेसको निर्णय

२३ असार, काठमाडौं । सत्तारुढ नेपाली कांग्रेसले संविधान संशोधनका विषयहरु निर्क्योल गर्न कार्यदल बनाउने भएको छ ।

केन्द्रीय कार्यसमितिको सोमबार सकिएको बैठकले संविधानमा संशोधन गर्ने केके विषय छन् भन्ने सम्बन्धमा निर्क्योल गर्न र सत्तारुढ सहितका दलहरुसँग सम्वाद गर्न कार्यदल बनाउने निर्णय गरेको हो ।

बैठकले सरकारलाई थप प्रभावकारी बनाउनुपर्नेमा जोड दिएको छ । बैठकपछि प्रवक्ता डा. प्रकाशशरण महतले भने, ‘जुन गठबन्धन सरकार छ, यो सरकारको काममा थप प्रभावकारी भूमिका निर्वाह गर्नुपर्छ ।’

कांग्रेसको बैठकले सुन चाँदीमा लगाएको विलासिता कर पुनर्विचार गर्न सरकारलाई सुझाएको छ ।

प्रकाशित मिति: सोमबार, असार २३, २०८२