बागमतीमा बानियाँ नेतृत्वमा नयाँ सरकार गठन

बागमती प्रदेशमा कांग्रेस नेता इन्द्रबहादुर बानियाँको नेतृत्वमा नयाँ सरकार गठन भएको छ । प्रदेश सरकारका नवनियुक्त मुख्यमन्त्री र मन्त्रीहरुले मंगलबार साँझ शपथ लिएका छन् । 

निवर्तमान मुख्यमन्त्री बहादुर सिंह लामाले राजीनामा दिएपछि कांग्रेस र एमालेको समर्थनमा कांग्रेसकै बानियाँ मुख्यमन्त्री नियुक्त भएका हुन् । उनको मन्त्रिपरिषदमा कांग्रेसबाट २ जना र एमालेबाट ६ जना मन्त्री नियुक्त भएका छन् ।

कांग्रेसबाट कृष्णकुमार तामाङ खानेपानी, ऊर्जा तथा सिँचाइमन्त्री बनेका छन् भने शिवराज अधिकारी विना विभागीय छन् । 

त्यस्तै एमालेबाट मधुसुदन पौडेल कृषि तथा पशुपन्छी विकास, जयराम थापा श्रम, रोजगार तथा यातायात, विन्दु श्रेष्ठ उद्योगमन्त्री बनेका छन् । त्यस्तै दिनेशचन्द्र देवकोटा भौतिक पूर्वाधार, किरण थापा स्वास्थ्य र भरत केसी वनमन्त्री बनेका छन् ।