रुपन्देही–३ उपनिर्वाचनको कार्यतालिका : असोज २१ गते उम्मेदवारी दर्ता 

रुपन्देही–३ मा कात्तिक १७ गते हुने उपनिर्वाचनका लागि असोज २१ गते उम्मेदवार मनोनयन दर्ता हुने भएको छ ।

निर्वाचन आयोगले प्रकाशन गरेको निर्वाचन कार्यतालिका अनुसार असोज २१ गते बिहान १० देखि ५ बजेसम्म उम्मेदवार मनोनयन दर्ता हुनेछ । 

असोज २२ गते उम्मेदवारको विरोधमा उजुरी दिने, असोज २३ गते उजुरीमाथि जाँचबुझ गरी निर्णय गरेर आयोगले उम्मेदवारको नामावली प्रकाशन गर्नेछ ।

उम्मेदवारले नाम फिर्ता लिन चाहेमा असोज २४ गते समय दिइएको छ । त्यसपछि असोज २४ गते नै अन्तिम नामावली प्रकाशन हुनेछ र त्यसै दिन आयोगले चुनाव चिह्न पनि दिनेछ ।

त्यसपछिको अवधिमा उम्मेदवारले चुनाव प्रचार प्रसार गर्नेछन् । मतदान भने कात्तिक १७ गते हुनेछ । 

हेर्नुहोस् कार्यतालिका