चीनको ग्लोबल सेक्युरिटी इनिसिएटिभबारे केही बोलेकै छैन : ओली 

प्रधानमन्त्री केपी शर्मा ओलीले चीनको ग्लोबल सेक्युरिटी इनिसिएटिभ (जीएसआई) मा आफूहरुले समर्थन नजनाएको बताएका छन् । 

शुक्रबार आफ्नो दल नेकपा एमालेको विधान महाधिवेशन उद्घाटन गर्दै प्रधानमन्त्री ओलीले ग्लोबल सेक्युरिटी इनिसिएटिभबारे आफूले कुनै कुरा बोल्दै नबोलेको बताए । 

‘सेक्युरिटी इनिसिएटिभ भन्नेलाई समर्थन गर्‍यो भनेर हल्ला चलाएका छन्, त्यसबारे हामीले केही बोलेकै छैन’, प्रधानमन्त्री ओलीले भने ।

उनका अनुसार ग्लोबल सेक्युरिटी इनिसिएटिभबारे कुनै पनि त्रुटि, कहिँ बोल्ने, समर्थन गर्न नपर्ने कुनै कुरालाई समर्थन गर्ने काम सरकारबाट भएको छैन । 

आफू नेतृत्वको प्रतिनिधिमण्डलले देशको हित, असंलग्न परराष्ट्र नीति, पञ्चशीलको सिद्धान्त, संयुक्त राष्ट्रसंघको स्थापित मान्यताविरुद्ध कुनै क्रियाकलाप, वचन, बोली वा चिन्तन पनि नराखेको ओलीले बताए ।