कर्फ्यूको अवज्ञा गर्दै प्रदर्शन, प्रचण्डको घरमा ढुंगामुढा 

२१ भदौ, काठमाडौं । स्थानीय प्रशासनले घोषणा गरेको कर्फ्यूको वेवास्ता गर्दै प्रदर्शन भइरहेको छ । 

काठमाडौं, भक्तपुर र ललितपुर प्रशासनले विहानैदेखि कर्फ्यू आदेश जारी गरेका छन् । तर सबैतिर स्वःस्फुर्त प्रदर्शन भइरहेको छ ।

प्रर्दनकारीहरुले जेनजीहरुको आन्दोलनमाथि भएको दमनको विरोध गरेका छन् । प्रधानमन्त्री केपी शर्मा ओलीको राजीनामा मागेका छन् । प्रदर्शनका कारण बानेश्वर तनावग्रस्त छ । 

प्रदर्शनकारीहरुले खुमलटारस्थित पूर्व प्रधानमन्त्री पुष्पकमल दाहाल प्रचण्डको निवासमा ढुंगामुढा गरेका छन् । नजिकैको प्रहरी विटमा समेत आगो लगाएका छन् । 

सञ्चारमन्त्री पृथ्वीसुब्बा गुरुङको निवासमा पनि उनीहरुले ढुंगा हानेका थिए । बुढानीलकण्ठस्थित पूर्व प्रधानमन्त्री शेरबहादुर देउवाको निवास नजिकै पनि प्रदर्शन भइरहेको छ ।