विपक्षी दलहरुले मागे प्रधानमन्त्रीको राजीनामा 

२४ भदौ, काठमाडौं । माओवादी केन्द्रसहित विपक्षी दलहरुले प्रधानमन्त्री केपी शर्मा ओलीको राजीनामा माग गरेका छन् । 

प्रमुख प्रतिपक्षी दलका नेता पुष्पकमल दाहालको आह्वानमा मंगलबार बसेको विपक्षी दलहरूको मंगलवारको बैठकले जेन–जी आन्दोलनमाथि सरकारले गरेको दमन इतिहासकै सर्वाधिक बर्बर भएको निष्कर्ष निकालेको छ ।

बैठकपछि माओवादी उपमहासचिव वर्षमान पुनले भनेका छन्, ‘केपी ओली नेतृत्वको गठबन्धन सरकारको निरङ्कुश, स्वेच्छाचारी र अनैतिक सरकारको रबैया अस्वीकार्य छ । त्यसैले सरकारको नेतृत्वकर्ता केपी शर्मा ओलीले राजीनामा दिनुपर्छ । र युवाहरुसँग छलफल गर्दै यो स्थितिलाई साम्य पार्नुपर्छ ।’

विपक्षी दलहरुको बैठकले युवाहरुको माग सम्बोधनका लागि आवश्यक वार्ता गर्न पनि माग गरेको छ ।