बोले बालेन, सेनासँग वार्ता हुनुअघि संसद् विघटन भएको हुनुपर्छ 

काठमाडौं । अन्ततः काठमाडौंका मेयर बालेन शाहले अब नेपाली सेनासँग वार्ता हुने बताएका छन् । तर, त्यसअघि संसद् विघटन भएको हुनुपर्ने शर्त नले अघि सारेका छन् । 

उनले सामाजिक सञ्जालमा भनेका छन्, हामीले स्पष्ट रूपमा भनेका थियौं । यो नितान्त जेन–जीको आन्दोलन हो ।

उनले अघि भनेका छन्, ‘प्रिय जेन जी तपाईंहरूको हत्याराको राजीनामा आइसकेको छ । अब संयमित हुनुहोला, देशको जनधनको क्षति भनेको तपाईं हाम्रै सम्पत्तिको क्षति हो । तपाईं–हामी अब संयमित हुनु जरुरी छ ।’ 

उनले अब जेनजी पुस्ताले नै देशको नेतृत्व गर्नु पर्ने बताएका छन् । यसका लागि तयार रहन भनेका छन् । 

‘सेना प्रमुखसँग वार्ता गर्न पनि  तयार हुनुहोला । तर याद रहोस्, वार्ता गर्नु अघि संसद् विघटन भएको हुनु पर्छ,’ उनले भनेका छन् ।