राजनीति

प्रतिनिधिसभा विघटन हुने, अन्तरिम सरकार प्रमुख कार्कीले आजै शपथ लिने

नेपाल शो

शुक्रबार, भदौ २७, २०८२

प्रतिनिधिसभा विघटन हुने, अन्तरिम सरकार प्रमुख कार्कीले आजै शपथ लिने

जेनजीको आन्दोलनपछि शुक्रबार प्रतिनिधिसभा विघटन हुने भएको छ । प्रतिनिधिसभा विघटन भएपछि अन्तरिम सरकारकी प्रमुख पूर्वप्रधानन्यायाधीश सुशीला कार्कीले पद तथा गोपनीयताको शपथ लिने भएकी छन् ।

शुक्रबार अबेर राष्ट्रपति कार्यालय शीतल निवासमा प्रतिनिधिसभा विघटन गर्ने र बिघटनलगत्तै अन्तरिम सरकार प्रमुख सुशीला कार्कीले शपथ लिने सहमति भएको वार्ताका एक सहभागीले बताएका छन् ।

कार्कीले शुक्रबार राति पौने ९ बजे शपथ लिने तय भएको छ । सुरुमा मन्त्रिपरिषद ३ सदस्यीय हुनेछ ।

राष्ट्रपति कार्यालय शीतलनिवासमा राष्ट्रपतिले गर्ने प्रतिनिधिसभा विघटन निर्णयको मस्यौदा तयार पार्ने काम भइरहेको स्रोतले बताएको छ ।

प्रकाशित मिति: शुक्रबार, भदौ २७, २०८२