राष्ट्रपति कार्यालयबाटै लुटिए कम्प्युटर, टिभी र कुर्सी 

जेनजी आन्दोलनका क्रममा भदौ २४ गते राष्ट्रपति कार्यालयबाट कम्प्युटर, ल्यापटप र कुर्सीहरु लुटपाट भएको पाइएको छ । 

राष्ट्रपति कार्यालय शीतल निवासमा आगलागी र तोडफोडका क्रममा कम्प्युटर, ल्यापटप, स्क्यानर, टिभी र कुर्सी लगायतका सामान लुटपाट र चोरी भएको राष्ट्रपति कार्यालयले जनाएको छ । 

कार्यालयले एक सूचना जारी गरेर राष्ट्रपति कार्यालय लेखेका सामानहरु कतै देखेमा वा भेट्टाएमा बुझाइदिन अनुरोध गरेको छ । 

त्यसका लागि कर्मचारीको सम्पर्क नम्बर पनि सार्वजनिक गरेको छ । सूचना दिने व्यक्तिको नाम गोप्य राख्ने भन्दै राष्ट्रपति कार्यालयले सामान फिर्ताको अभियानमा सहयोग गर्न अनुरोध गरेको छ । 

हेर्नुहोस् राष्ट्रपति कार्यालयको सूचना