सीके राउतलाई नेताहरुको आग्रह : २४ घण्टाभित्र राजीनामा दिनुस्

१ असोज, काठमाडौं । जनमत पार्टीका पदाधिकारीहरुले अध्यक्ष सीके राउतको राजीनामा मागेका छन् ।

वरिष्ठ उपाध्यक्ष अब्दुल खान, प्रवक्ता डा. शरदसिंह यादवसहित ६ जना पदाधिकारीले अध्यक्ष राउत र संगठन विभागका प्रमुख जयकान्त राउतलाई समय नै तोकेर राजीनामा दिन आग्रह गरेका छन् ।
दुबैले २४ घण्टाभित्र राजीनामा दिनुपर्ने उनीहरुको माग छ ।

पछिल्लो समय पार्टी नेतृत्वको कार्यशैलीमा कमजोरी भएको, निर्णय प्रक्रिया पारदर्शी नभएको र जनभावना अनुसार गतिविधि नभएको उनीहरुको निष्कर्ष छ ।

पार्टीको हितका लागि नेतृत्व परिर्वतन अपरिहार्य भएको भन्दै उनीहरुले भनेका छन्, ‘जनमत पार्टीका अध्यक्ष सीके राउत र संगठन विभाग प्रमुख डा. जयकान्त राउतले २४ घण्टाभित्र आफ्नो पदबाट स्वेच्छिक राजीनामा दिन हुन हार्दिक अनुरोध गर्दर्छौं ।’