जनमतका नेताहरुले बनाए नयाँ पार्टी 

४ असोज, काठमाडौं । जनमत पार्टीबाट अलग भएको समूहले नयाँ पार्टी गठन गरेको छ । पार्टीको नाम जनस्वराज राखिएको छ भने अध्यक्ष दीपककुमार साह छन् । 

जनकपुरमा दुई दिनसम्म भएको भेलाले नयाँ पुराना दलहरूको असफलता र संकुचित सोच, बेथिति र भ्रष्टाचार, आत्मकेन्द्रित र विभाजनकारी मानसिकताले देशलाई गम्भीर संकटमा धकेलेको निष्कर्ष निकालेको छ । 

बैठकले साहको नेतृत्वमा जनस्वराज पार्टीको घोषणा गरेको छ । डा. संजय कुमार साहको संयोजकत्वमा प्रशिक्षण विभाग, सुरेन्द्र नारायण यादवको संयोजकत्वमा आर्थिक विभाग र साहको संयोजकत्वमा राजनीतिक संगठन विभाग समेत गठन गरेको छ ।

दीपककुमार जनमतको उपाध्यक्ष थिए भने सुरेन्द्रनारायण कोषध्यक्ष । तर जनमतले स्पष्टीकरण सोध्दै कारबाही गरेपछि उनीहरु लगत पार्टी बनाउने अभियानमा जुटेका थिए ।