मुग्लिनको सडक आज पनि नखुल्ने  

काठमाडौं । मुग्लिन–नारायणगढ सडक खण्डको तुइन खोलाको पहिराका कारण २ दिनदेखि बन्द सडक आज पनि नखुल्ने भएको भएको छ । दशैंको समयमा घर फर्किने यात्रुहरु बाटो बन्द हुँदा समस्यामा परेका छन् । 

अहिले पहिरो पन्छाउनको लागि ५ वटा हेभी इक्विपमेन्टले काम त गरिरहेका छन्, तर ठूलो पहिरो भएकाले हटाउन कम्तीमा आज रातभर लाग्ने अनुमान गरिएको भौतिक पूर्वाधार तथा यातायातमन्त्री कुलमान घिसिङले जानकारी दिए ।  । 

सम्भवतः थप पहिरो नखसे भोलि विहानबाट यो राजमार्ग सञ्जालन हुनसक्ने सडक विभागले जनाएको छ ।  नारायणगढ तर्फबाट १–१ वटा एक्स्काभेटर र लोडरले पहिरो पन्छाइरहेका छन् । मुग्लिन तर्फबाट २ वटा लोडर र एउटा एक्साभेटर प्रयोग गरिएको छ । 

भैपरी समस्या पर्नसक्ने भन्दै दुबैतर्फ १/१ वटा ब्याक हो लोडर तयार अवस्थामा राखिएका छन् । 

पहिरो पन्छाउने काम गर्ने क्षेत्र साँघुरो भएकोले एकपटकमा ५ वटा भन्दा बढी ठूला उपकरण प्रयो गर्न सक्ने अवस्था नरहेको विभागले जनाएको छ । नारायणगढतर्फ ठूला–ठूला ढुंगा खसको कारण समेत समस्या भएको विभागको भनाइ छ । 

ठूला ढुंगा मात्रै हैन, स–साना तिखा ढुंगाका कारण लोडरको टायर पञ्चर हुने र ढुंगा लागेर अपरेटर घाइते हुने जस्ता समस्या परिरहेको छ ।

अहिले पहिरो हटाउन हेभी इक्प्यूमेन्ट डिभिजन हेटौंडा र डुम्रेबाट दुई जना अपरेटरहरु पनि थपिएको छ ।