एक्सप्लेनर भिडियो

बालेन र सिंहदरबार भिडाउने काठमाडौं टावर

नेपाल शो

शनिबार, चैत २, २०८१

काठमाडौंका मेयर बालेन शाह र सिंहदरबारबीच भइरहेको पछिल्लो टकरावको जरो खोज्दै जाँदा पुगिन्छ, काठमाडौं टावर ।
पुरानो बसपार्कमा काठमाडौं टावर बनाउन थालेको ९ वर्ष भइसक्यो, यही टावरको नक्साबाट उत्पन्न विवादलाई लिएर संघीय सरकार र मेयर बालेन आरोप–प्रत्यारोपमा उत्रिरहेका छन् ।
२०८१ असोज १० गते सहसचिव सरोज गुरागाइँ महानगरपालिकामा प्रमुख प्रशासकीय अधिकृत भएर पुगे । उनले पद सम्हालेको भोलिपल्टै काठमाडौं टावरको नक्सापासको प्रमाणपत्र जारी गरिदिए । तर मेयर बालेनलाई थाहा पनि दिएनन् ।
मेयर बालेनले पनि गुरागाईंलाई छानबिन नसकिन्जेल बिदामा बस्न लगाए ।
उनी बिदामा बसेपछि मेयरदेखि सफाइ कर्मचारीले २ महिनादेखि तलब खान पाएका छैनन् । शिक्षकहरुको तलब पनि ठप्प छ । ठूला आयोजनाको भुक्तानी पनि ठप्प छ ।
काठमाडौं टावर बनाइरहेको जलेश्वर स्वच्छन्द बिकोइ जेभीका सञ्चालक हुन्, मनोज भेटवाल ।
काठमाडौंको आकाशे पुलका सटर र विज्ञापनहरुबाट राम्रो कमाइ गरेका मनोज भेटवालको त्यही मोडलमा पुरानो बसपार्कमा काठमाडौं टावर बनाउने योजना छ ।
उनी बैंकको कालोसूचीमा परेका व्यक्ति पनि हुने । एकपछि अर्को विवादमा मुछिँदा पनि भेटवाल काठमाडौं टावर बनाउने योजनाबाट भने पछि हटेनन् ।
किनभने काठमाडौं टावरमा उनी मात्र होइन, केही बैंकर, नेता, काठमाडौं महानगरकै केही कर्मचारीहरुको समेत स्वार्थ जोडिएको छ ।