जनताको नासो फिर्ता गर्दै महानगर 

काठमाडौं । काठमाडौं महानगरपालिकाले १० वर्षपछि खुलामञ्च खुला गर्ने घोषणा गरेको छ । कुनै विशेष प्रयोजनका लागि हैन, मेयर बालेन शाहाले खुलामञ्च सबैका लागि सधैंका लागि खुला गर्ने घोषण गरेका छन् ।

२०७२मा काठमाडौं टावर बनाउनन्दै पुरानो बसपार्कलाई खुला मञ्चमा सारिएपछि अतिक्रमणको चपेटामा परेको थियो । त्यहाँ निर्माण कम्पनीका क्याम्प र गोदामघर बनेका थिए । 

२०७७मा 'अकुपाइ टुँडिखेल' अभियान सुरु भएपछि खुलामञ्च खाली भयो, तर खुला भएन ।

मेयरमा बालेन शाह निर्वाचित भएर आएपछि यसमा भूमिगत पार्किङ बनाउने घोषणा गरेका थिए । 

तर, चौतर्फी विरोध पछि उनले योजना स्थगित गरेर खुलामञ्चलाई प्राकृतिक तवरमै छोड्ने निर्णय गरे । कुनै बेला राजनीतिक, सामाजिक तथा सांस्कृति कार्यक्रम गर्ने थलो थियो खुलामञ्च । त्यसैले खुलामञ्चलाई खुलापन र अभिव्यक्ति स्वतन्त्रताको प्रतीक मान्नेहरू प्रशस्तै छन् । 

तर, खुलामञ्च खुला नहुँदा सडकमै कार्यक्रमहरु भए । खुलामञ्चभित्र टहलिन जाने, घाम ताप्न जाने र विरोध तथा जागरणका स्वर उठाउन जानेहरु पस्नै पाएनन् । 

अहिले काठमाडौं महानगरपालिकाले यसलाई पुनर्निमाण गरेर फेरि खुला गर्ने निर्णय गरेको छ । फेरि जनताको नासो जनतालाई नै फिर्ता दिने घोषणा गरेको छ । 

यसैबारेको यो फिल्ड एक्सप्लेनर भिडियो र्हेनुस्