एक्सप्लेनर भिडियो

भूमि अध्यादेशमा जसपा नेपालसामु किन झुक्यो सरकार ?

नेपाल शो

बिहीबार, चैत १४, २०८१

दुई तिहाइ बहुमतको सरकार अन्ततः आफैंले ल्याएको भूमि अध्यादेश निष्क्रिय बनाउन बाध्य भएको छ ।
सत्ता गठबन्धनको बुधबार बसेको बैठकमा भूमि अध्यादेश निष्क्रिय बनाउने र फेरि नियमित प्रक्रियाबाट विधेयक ल्याउने सहमति भएको छ ।
सरकारले गत पुसको अन्तिममा भूमिसहित ६ वटा अध्यादेश ल्याएको थियो । सबै अध्यादेश माघ १८ गते संसदमा पेश गरेको थियो ।
अरु अध्यादेश संसदबाट पास पनि भइसके । तर भूमिसम्बन्धी अध्यादेश भने जनता समाजवादी पार्टी, नेपालको विरोधका कारण रोकिएको थियो । अब निष्क्रिय हुने भएको छ ।
अब भूमिसम्बन्धी कानुनको संशोधन विधेयक संसदको अर्को अधिवेशनमा ल्याउने सत्तापक्षका दलहरुबीच सहमति छ ।
के थियो अध्यादेशमा ? यो अध्यादेशले जग्गा कारोबारीलाई के सुविधा दिएको छ ? अनि सुकुम्बासीलाई जग्गा बाँड्न के कस्ता प्रावधान राखिएका थिए ? अनि जसपा नेपालले किन मानेन ?

प्रकाशित मिति: बिहीबार, चैत १४, २०८१