सरकारले ल्यायो २१ खर्ब २४ अर्ब रुपैयाँको बजेट 

अर्थमन्त्री स्वर्णिम वाग्लेले आगामी आर्थिक वर्षका लागि २१ खर्ब २४ अर्ब ३५ करोड रुपैयाँको बजेट प्रस्ताव गरेका छन् । 

शुक्रबार संघीय संसदको संयुक्त बैठकमा उनले आगामी वर्षको आय व्यय विवरणको अनुमानित विवरण पेश गरेका हुन् । 

जस अनुसार सरकारले चालुतर्फ १२ खर्ब ७० अर्ब, पुँजीगततर्फ ४ खर्ब ३१ अर्ब र वित्तीय व्यवस्थाका लागि ४ खर्ब २२ अर्ब रुपैयाँ विनियोजन गरिएको छ । 

बजेटको स्रोतमध्ये राजस्वबाट १४ खर्ब ५ अर्ब रुपैयाँ र वैदेशिक अनुदान ६१ अर्ब रुपैयाँ प्राप्त हुने अनुमान गरिएको छ । 

त्यस्तै वैदेशिक ऋण २ खर्ब ४७ अर्ब रुपैयाँ लिने र आन्तरिक ऋण ४ खर्ब १० अर्ब रुपैयाँ संकलन  गरिने अर्थमन्त्री वाग्लेले बताएका छन् । 

उनका अनुसार यो बजेट कार्यान्वयनबाट ७ प्रतिशतको आर्थिक वृद्धि हासिल हुनेछ । साथै मूल्यवृद्धि ६ प्रतिशतमा सीमित रहनेछ । 

अर्थमन्त्री वाग्लेले आगामी आर्थिक वर्षमा १ हजार किलोमिटर सडक कालोपत्रे, २७५ वटा पुुल निर्माण गर्ने घोषणा गरेका छन् । 

त्यस्तै १ हजार २८ किलोमिटरको पूर्वपश्चिम राजमार्गलाई ५ वर्षभित्र ४ लेनमा स्तरोन्नति गर्ने भनेका छन् ।  

बजेटको पूर्णपाठ हेर्न यहाँ क्लिक गर्नुहोला ।