बेलायतले माफी माग्नुपर्छ, गोर्खा भर्ती बन्द गर्नुहुन्न

नेपाली समाजमा लाहुरेहरुको छुट्टै इज्जत छ । भारतीय र बेलायती सेनामा जागिर खानेहरुको तलब सुविधा र पेन्सन नेपाली सेना र सुरक्षा सेवामा काम गर्नेहरुको भन्दा धेरै राम्रो छ ।

त्यसैले लाहुरेहरु नेपालमा धेरै कमाइ हुने मानिसका रुपमा चिनिन्छन् । तर उनीहरुको पीडा पनि उस्तै छ । बेलायती सेनामा काम गर्ने गोर्खा सैनिकहरुले बेलायती नागरिकले भन्दा १६– १७ गुणासम्म कम तलब सुविधा पाउँछन् ।

गोर्खा सैनिकहरु लामो समयदेखि बेलायती सरकारसँग आफ्नो सुविधा र प्रतिष्ठाको लडाइँमा छन् । त्यो लडाइँमा लागेका एक यौद्धा हुन् ज्ञानराज राई, उनी ब्रिटिश गोर्खा सत्याग्रह संयुक्त संघर्ष समितिका अभियान निर्देशक हुन् ।

गोर्खा सैनिकको हितका लागि उनले बेलायतमा २ पटकसम्म आमरण अनशनसमेत बसेका थिए । अहिले उनी बेलायत सरकारले गोर्खा सैनिकहरुमाथि गरेको ऐतिहासिक थिचोमिचोको क्षतिपूर्ति भराउन सक्रिय रुपले लागेका छन् । उनै ज्ञानराज राईसँग गोर्खा सैनिकको आन्दोलनबारे गरिएको कुराकानी :