NPL मा ल्याउन खोजिएको DRS कस्तो, क्यानले देला त सरप्राइज ?

एनपीएलको पहिलो र दोस्रो सिजनमा अम्पायरले गरेका थुप्रै निर्णयमा प्रश्न उठेका छन् । यदि  तपाईँले एनपीएलको दोस्रो सिजन क्लोजली फलो गर्नु भएको थियो भने रोहित पौडेलको स्टम्पिङ विवाद याद होला ।

याद छैन भने पनि केही छैन, म छोटकरीमा सम्झाँउछु । 

२० नोभेम्बर २०२५ । लिग चरणमा चितवन राइनोज र लुम्बिनी लायन्सको खेल थियो ।

पहिले ब्याटिङ गरेको चितवनले १४२र७ बनायो । जवाफी ब्याटिङमा रहेको लुम्बिनीका कप्तान रोहित पौडेल ब्याटिङ गरिरहेका थिए ।

१४औं ओभरमा आए कुशल मल्ल । पहिलो बलमै रोहितविरुद्ध स्टम्पिङ अपील भयो । विषय टीभी अम्पायर विनयकमुमार झासम्म पुग्यो । यहाँ मुख्य प्रश्न के थियो भने विकेट किपरले वेल्स हटाउँदा रोहितको ब्याक फुट जमिनमा थियो कि थिएन हेर्नुपर्ने भयो । 

टीभी अम्पायर झाले रिप्ले निकै लामो समय हेरे । करिव ५र७ मिनेट नै लगाए । र, रोहितलाई नट आउट दिए । 

टीभी अम्पायरको निर्णयमा चितवनका खेलाडीले आफ्नो असन्तुष्टि जनाए । विकेट विकर अर्जुन साउद मात्र होइन, विदेशी खेलाडीहरु रवि बापारा, डेभिड मलानले समेत असन्तुष्टि जनाए । 

अन्ततः चितवनले त्यो खेल हार्‍यो । उपाधिको दावेदार मानिएको चितवनलाई यो ठूलै धक्का थियो ।