एक्सप्लेनर भिडियो

पोखरा विमानस्थलमा कसरी भयो १० अर्ब भन्दा बढी भ्रष्टाचार ?

नेपाल शो

शनिबार, वैशाख ६, २०८२

पोखरा अन्तर्राष्ट्रिय विमानस्थलमा भ्रष्टाचार भएको विषय नयाँ रहेन । त्यहाँ कसले कति र कसरी भ्रष्टाचार गरेको छ भन्ने मात्रै खोजीको विषय हो । उनीहरु कारबाहीमा पर्छन् कि उन्मुक्ति पाइरहन्छन् भन्ने अर्को प्रश्न हो ।
संसदको सार्वजनिक लेखा समितिले गठन गरेको उपसमितिले पोखरा विमानस्थलको अनियमितताका तथ्यहरु खोजेको छ । राजेन्द्र लिङ्देन नेतृत्वको उपसमितिले स्थलगत अध्ययन गरेरै प्रतिवेदन पनि तयार गरिसकेको छ ।
प्रतिवेदनले पोखरा विमानस्थलमा भएको अनियमितता र भ्रष्टाचारबारे अनेकन विषयहरु खोतलेको छ ।
यो प्रतिवेदनको सार हो, पोखरा विमानस्थलमा साँच्चिकै अनियमितता र भ्रष्टाचार भएको छ ।
प्रतिवेदनले आयोजना बनाउनुभन्दा अघि नै यसमा गडबडी सुरु भइसकेको उल्लेख गरेको छ ।
प्रतिवेदनको दोस्रो सार हो, ठेक्का लगाउने बेलामा नै भ्रष्टाचार भयो ।
प्रतिवेदनको तेस्रो सार हो, सम्झौता विपरीत निर्माणको काम गरेको मात्रै हैन, हुँदै नभएको कामको भुक्तानी गरेको र ठेकेदारले गर्नुपर्ने खर्च उड्डयन प्राधिकरण आफैंले गरेको भेटिएको छ ।
प्रतिवेदनअनुसार विमानस्थल बनाउँदा माटोबाटै गडबडी सुरु भएको थियो ।
प्रतिवेदनको चौंथो सार हो, विमानस्थलमा भोलिका दिनमा पनि समस्या आउनेछ ।
समग्रमा संसदीय उपसमितिले १० अर्बभन्दा बढीको भ्रष्टाचार गरेको निष्कर्ष निकालेको छ । र, को–कसलाई अनुसन्धान गरेर कारवाही गर्ने भनेर नाम नै किटेर सिफारिस गरेको छ । नेपाल नागरिक उड्डयन प्राधिकरणका महानिर्देशक प्रदीप अधिकारको नाम पहिलो नम्बरमा छ ।