एक्सप्लेनर भिडियो

हेटौंडा–नारायणगढ सडक अब ६ लेन, टिकौली जंगलमा फ्लाइओभर

नेपाल शो

शनिबार, वैशाख २०, २०८२

आगामी आर्थिक वर्षदेखि नारायणगढ–हेटौंडा खण्डमा विस्तार थाल्ने तयारी भइरहेको छ ।
भरतपुरको गोन्द्राङबाट हेटौंडासम्मको सडक ६ लेनको बन्ने छ ।
७० किलोमिटर लामो यो खण्ड विस्तारको योजना बनिसकेको छ । आगामी जेठ १५ गते आउने बजेटमा पहिलो वर्षको बजेट विनियोजन हुने अधिकारीहरु बताउँछन् ।
बस्ती नभएका क्षेत्रमा ४ लेन हुनेछ, शहरी क्षेत्रमा ६ लेनको सडक बन्ने छ ।
चितवनको रत्ननगरदेखि भण्डाराको मार्तल खोलाको पुलसम्म ६ लेन सडक बन्ने छ । त्यहाँदेखि मकवनपुरको बसामाडीसम्म ४ लेनको मात्र सडक हुनेछ । बसामाडीदेखि हेटौंडासम्म भने ६ लेनकै सडक बनाइनेछ ।
राजमार्ग छेउका बस्तीहरुमा दुबैतर्फ ३.५ मिटरको ‘सर्भिस लेन’ पनि बनाइने छ । सर्भिस
यो सडकखण्डमा २ किलोमिटरको भायोडक्ट बन्ने छ । भायोडक्ट भनेको जमिनमाथि ओभरहेड ब्रिज अर्थात् फ्लाइओभर हो । टिकौली जंगल भनेर चिनिने चितवन राष्ट्रिय निकुञ्जको बरभण्डार क्षेत्रमा यस्तो भायोडक्ट बनाइनेछ ।
वन्यजन्तुको वासस्थान र हिँड्ने बाटोमा असर नपर्ने गरी पुल बनाउन प्रस्ताव गरिएको एडीबी निर्देशनालयका निर्देशक चुडाराज ढकाल बताउँछन् ।
यो सडक खण्ड विस्तारमा सबैभन्दा ठूलो चुनौती भने हेटौंडा बजारमा हुने देखिएको छ ।
राजमार्गको करिब दुई किलोमिटर खण्ड हेटौंडा बजारमा पर्छ । यहाँ सडक सीमा भित्रै २८५ वटा घर तथा अन्य भौतिक संरचना छन् ।
मुआब्जा नपाएको दाबी गर्दै स्थानीयले घर भत्काउन सहमति दिएका छैनन् ।
स्थानीयको सहमति नभई घर भत्काउने हो भने बल प्रयोग गर्नुपर्छ, डोजर चलाउनुपर्छ ।
तर, एसियाली विकास बैंक (एडीबी) को सहायता भएका परियोजनामा स्थानीयविरुद्ध बल प्रयोग गर्न मिल्दैन ।
यो खण्ड विस्तारका लागि एडीबीले करिब ३४ अर्ब ऋण दिँदैछ । यो सहुलियत ब्याजदरको ऋण हुने छ ।
त्यसैले सडक विभागका अधिकारीहरु हेटौंडा बजारमा के गर्ने भन्ने अलमलमा छन् ।