ओभरलोडको जोखिममा राजमार्गका पुलहरु 

ओभरलोड बोकेका ट्रकहरु, जो राजमार्गमा निस्फिक्री गुड्दैछन् । 

रोक्नुपर्ने प्रहरी र सरकारी निकाय आँखा चिम्लेर बसेका छन् । 

यस्तो ओभरलोडका कारण राजमार्गकै पुलहरु एकपछि अर्को गर्दै भासिँदैछन्, अनि भाँचिदैछन् । 

यही कारण राजमार्गमा यात्रुको ज्यान जोखिममा छ ।  

को हो यसमा दोषी ? किन हुँदैन कारणको खोजी ?

वैशाख २९ गते राति पूर्व–पश्चिम राजमार्ग अन्तर्गत पूर्वी नवलपरासीको चोरमारा पुल भाँचियो । नारायणगढ–बुटवल सडक खण्ड नै अवरुद्ध भयो । 

मध्यबिन्दु नगरपालिका–७ चोरमारा बजार नजिकको गिरुबारी पुल एक भाग भासिएको छ । 

क्लिङ्कर बोकेर होङ्सी सिमेन्ट कम्पनीबाट वीरगञ्जतर्फ जाँदै गरेको टेलर पुलमाथि आइपुगेका बेला पुल भासिएको हो । 

पुल लच्किएर डेढ फिट तल धसिएको छ । पुल भासिएपछि पूर्व–पश्चिम राजमार्ग भएर गन्तव्यमा हिँडेका सवारी साधन चोरमारा र अरुणखोलामा रोकिनुपर्‍यो । 

यो खण्डमा यस्तो भएको पहिलो पटक होइन । 

गत पुस २६ गते पूर्वी नवलपरासीको दुम्कीबासमा पूर्व–पश्चिम राजमार्गमा गुडिरहेको ७४ चक्के गाडी विनयी खोलामाथिको पुलसँगै खोलामा खसेको थियो । 

भारतबाट शिवम् सिमेन्टको मेसिनरी प्लान्ट बोकेर आएको ट्रक पुलमाथि गुडिरहँदा यस्तो भयानक दुर्घटना हुन पुगेको थियो ।

राष्ट्रिय राजमार्गमा यस्ता कहाली लाग्दो घटना के कारणले भइरहेका छन् ? 

करिब ६० टनसम्म लोड बोकेका गाडीलाई सडक सुरक्षाको विश्लेषण समेत नगरी किन चल्न दिइँदैछ ? विस्तृत जानकारी भिडियोमा :