शिक्षकलाई मासिक तलब, अस्थायीलाई स्थायी बन्ने मौका

शिक्षकहरुको एक महिना लामो सडक आन्दोलन । त्यसको दबावमा सांसदहरुको ४५ दिन लामो छलफल । 

यसको नतिजास्वरुप विद्यालय शिक्षा विधेयकका धेरै विवादित विषय मिलेका छन् । अब शिक्षा ऐन छिट्टै जारी हुन्छ कि भन्ने आशा देखिएको छ । 

नेपालको १२ कक्षासम्मको पढाइलाई बाटो देखाउने कानुन हो, विद्यालय शिक्षा ऐन ।

यसमा विद्यालयको स्थापना, पाठ्यक्रम, शिक्षक–कर्मचारीहरुको नियुक्ति सरुवा, बढुवा, कारबाही जस्ता यावत विषय छन् । 

शिक्षा विधेयकमा संसदको शिक्षा, स्वास्थ्य तथा सूचना प्रविधि समितिको ११ सदस्यीय उपसमितिले विवादित विषयमा सहमति जुटाएको छ । 

सबै राजनीतिक दलका सांसदहरु समितिमा भएकाले यो उपसमितिले लेखेका कुराहरु नै अब कानुनका रुपमा आउने हो । 

यो भिडियोमा हामीले उपसमितिको प्रतिवेदनका भएका मुख्य विषय उल्लेख गरेका छौं । 

जसमा प्रधानाध्यापकको नियुक्ति, शिक्षक बढुवा, सरुवा, शिक्षकको आन्तरिक परीक्षा, निजी विद्यालय, विद्यालय कर्मचारी आदिका विषयमा प्रतिवेदनमा के छ भन्ने कुरा विस्तृतमा छ ।