राजमार्गमा अब फेरि राखिनेछन् ढाट

अब विभिन्न राजमार्गका २२ ठाउँमा राखिनेछन् ढाट । 

यस्ता ढाटमा पैसा तिरेपछि मात्र गाडी पास हुनेछन् । 

अबको केही महिनामै राजमार्गमा जता निस्किनुहुन्छ त्यतै तगारा भेटिने छन् । 

शुल्क नतिरेसम्म तगारो हट्ने छैन, गाडी रोकिनेछ । 

गाडीबाट शुल्क उठाउन सरकारले राजमार्गमा २२ ठाउँमा ढाट राख्दैछ । 

आम नागरिकले प्रयोग गर्ने सडकमा यसरी ढाट राखेर शुल्क उठाउनु जायज हुन्छ ? अनि यसरी उठाएको पैसा सही काममा उपयोग भइरहेको छ ? 

नेपालमा विगतमा पनि सडकमा बाँस वा फलामका ढाट राखेर पैसा उठाइन्थ्यो । त्यतिबेला देशभरका सडकमा १४ ठाउँमा ढाट राखेर गाडीहरुबाट सडक उपभोग दस्तुर संकलन गरिन्थ्यो । 

कोरोना महामारीपछि भने सडक उपभोग दस्तुर उठाउन छाडिएको थियो । 

अब भने सरकार पहिले भन्दा पनि धेरै ठाउँमा ढाट राखेर सडक दस्तुर उठाउन खोज्दैछ । 

अहिलेको तयारी अनुसार झापाको काँकडभिट्टाबाट छुटेको गाडीले नारायणगढ हुँदै काठमाडौं आइपुग्दा ७ ठाउँमा सडक दस्तुर तिर्नुपर्नेछ । थप जानकारी भिडियोमा :