एक्सप्लेनर भिडियो

किन छरिँदैछ जताततै पोड-वे चलाउने योजनाको भ्रम ?

नेपाल शो

सोमबार, जेठ १९, २०८२

हेटौंडा–काठमाडौंमा रोप–वे अहिले अलपत्र अवस्थामा छ ।अब सरकारले नयाँ योजना ल्याएको छ, रोप–वेको विकल्पमा पोड वे ।
अर्थमन्त्री विष्णुप्रसाद पौडेलले बजेटबाटै हेटौंडा–काठमाडौंमा रोप–वे रुटमा पोड वे चलाउन आवश्यक अध्ययन गर्न बजेट छुट्याएका छन् ।
गत वर्षको बजेटमा गोरखामा पोड वे सञ्चालनका लागि अध्ययन गर्ने भनिएको थियो, तर भएन । अब काठमाडौंमा भित्रिएको छ, पोड–वेको चर्चा ।
के हो पोड–वे ? एकपछि अर्को सरकारले किन ल्याइरहेको यो योजना ? को छ यसको पछाडि ?
एउटा कम्पनीले कसरी स्थानीय तहदेखि प्रदेशसम्म पोड–वेको अध्ययनका नाममा एकपछि अर्को गर्दै बजेट छुट्याउन लगाइरहेको छ । राजनीतिक पहुँच र प्रभावका आधारमा जताततै पोड–वेको योजना किन अघि सारिँदैछ ?
एउटै कम्पनीले एकसाथ नेपालका कहाँ–कहाँ पोड–वे बनाउँछ ? नयाँ विदेशी प्रविधि ल्याएर यहाँ परियोजना कार्यान्वयन गर्न सो कम्पनी सक्षम भइसकेको छ ?
अन्यत्र सार्वजनिक उपयोगमा नआएको प्रविधिबारे सरकारी लगानीमा अध्ययन मात्रै गर्ने योजना हो कि अरु केही नै छ ?
यसबारेको यो एक्सप्लेनर भडियो ।

प्रकाशित मिति: सोमबार, जेठ १९, २०८२