मोबिलिटी एक्स्पोमा बिजुली गाडीको बोलवाला, २० लाखसम्म छुट

बुधबारदेखि काठमाडौंको भृकुटीमण्डपमा ‘नाइमा मोबिलिटी एक्स्पो–२०२५’ सुरु भएको छ । यो मेलामा ५० वटा ब्रान्डका सवारी साधनहरु प्रदर्शनमा राखिएका छन् ।

नेपाल अटोमोबाइल इम्पोर्टर्स एन्ड म्यानुफ्याक्चर्स एसोसिएसन (नाइमा)ले यो मेला आयोजना गरेको हो । यो मेलामा ३५ वटा नयाँ मोडलमा गाडी सार्वजनिक भएका छन् । 

अटो एक्स्पो विद्युतीय गाडीहरुको बहार छ । साउन २५ गतेसम्म चल्ने एक्स्पोमा कम्पनीहरुले आकर्षक छुट तथा सुविधाहरु दिएका छन् । 

निशानले आफ्नो गाडी ‘निशान लिफ’मा २० लाख छुट दिएर ४५ लाखमा बेच्दैछ । अरु कम्पनीहरुले पनि ग्राहकलाई राम्रो अफरहरु दिएका छन् ।

मोबिलिटी एक्स्पोमा कस्ता सवारीहरु छन् अनि कुन कम्पनीले कस्ता अफर गरेका छन् ?  हेर्नुस् यो भिडियो ।