वाणिज्य बैंकको बानेश्वर शाखाबाट ३२ करोडको सुन र ४ करोड नगद लुटपाट 

काठमाडौं । भदौ २४ गते प्रर्दशनपछि राष्ट्रिय वाणिज्य बैंकको नयाँ बानेश्वर शाखाबाट करिब ४ करोड २१ लाख नगद र १७ केजीभन्दा बढी सुन चोरी भएको छ । आन्दोलनको मौका पारेर लुटेरा समूहले बैंकबाट करिब १७ हजार ग्राम सुनसहित ४ करोड २१ लाख नद लुटपाट गरेका हुन् । 

यसरी अहिलेको मूल्य अनुसार ३२ करोडभन्दा बढी मूल्यको सुन मात्रै लुटिएको छ । नगद समेत जोड्दा त्यो करिब ३६ करोड बराबरको लुटपाट भएको छ । 

लुटपाट भएको बैंकको यो शाखा संसद भवनको पछाडि छ । संसद भवनमा आगलागी पछि एउटा समूह अराजक ढंगले राष्ट्रिय वाणिज्य बैंक छिरेको थियो । बैंकमा तोडफोड र आगजगनी गर्दै लुटपाट गरेको थियो । 

राष्ट्रिय वाणिज्य बैंकका अनुसार कर्जा जारी गर्न धितो राखिएको सुन चोरी भएको छ । उनीहरुले नगद र सुन रहेको भल्ट नै फुटाएर चोरी गरेका हुन् । सो स्थानसम्म पुग्ने आइरन गेट समेत फुटाएर चोरी गरिएको हो । 

राष्ट्रिय वाणिज्य बैंकले सुन र नगद लुटपाटको सिसीटिभी फुटेजसहित प्रहरीमा यसबारे उजुरी गरिसकेको छ । 

प्रहरीले लुटेरा समूहको खोजी थालिसकेको छ । लुटेर समूह बैंक लुटपाट गएका ठाउँहरुको सिसी टिभी फुटेज समेत हेरेर प्रहरीले उनीहरुको खोजी गर्दैछ । 

लुटिएको बैंकको लकर भने सुरक्षित छ । त्यसैदिन राति सेनाले सो बैंक फोरिरहेका ५ जना सेनालाई नियन्त्रणमा लिएको थियो ।