नेपाल बन्यो विश्वकप छनोट प्रतियोगिताको च्याम्पियन

टी २० विश्वकप २०२६ का लागि छनोट भएको नेपालले उपाधि पनि जितेको छ । सुपर सिक्सको अन्तिम खेलामा समोआलाई १२४ रनले हराउँदै नेपाल एशिया तथा पूर्वी एशिया प्रशान्त क्षेत्रीय छनोट प्रतियोगिताको च्याम्पियन बनेको हो । 

समोआसँगको खेलामा पहिले ब्याटिङ गरेको नेपालले चार विकेट गुमाएर २११ रन बनाएको थियो । प्रतियोगितामै नेपालको ठूलो स्कोर खडा गरेको थियो । 

पहिलो विकेटको लागि कुशल भुर्तेल र आशिफ शेखले ६३ रनको साझेदारी गरे । आशिफले ४१ बलमा ६९ रन जोडे । दीपेन्द्रसिंह ऐरीले ३३ बलमा ५३ रन बनाए ।

लोकेश बमले १२ बलमा ३९ रनको विष्फोटक पारी खेले । कप्तान रोहित पौडेलले २१ रन बनाएका थिए ।

जवाफी ब्याटिङमा समोआले नेपालले दिएको लक्ष्यलाई भेटाउन सकेन । सामोआले पूरा २० ओरमा ७ विकेट गुमाएर ८७ रन मात्रै बनाउन सक्यो । 

नेपपाले प्रतियोगिता अपराजित रहेर जित्यो । एउटा पनि खेल नहारी नेपालले प्रतियोगिताको उपाधि जितेको हो ।