समाज

५ एसएसपी डीआईजीमा सिफारिस, विश्व अधिकारी छुटे

नेपाल शो

आइतबार, कात्तिक ९, २०८२

५ एसएसपी डीआईजीमा सिफारिस, विश्व अधिकारी छुटे

नेपाल प्रहरीको प्रहरी नायब महानिरीक्षक (डीआईजी) पदका लागि ५ जना प्रहरी वरिष्ठ उपरीक्षक (एसएसपी) सिफारिस भएका छन् ।

गृह मन्त्रालयका सचिवको नेतृत्वमा हुने बढुवा समितिले एसएसपीहरु भुपेन्द्र खत्री, सानुराम भट्टराई, ओमप्रसाद अधिकारी, शेखर खनाल र अबिनारायण काफ्लेलाई बढुवा सिफारिस गरेको छ ।

नेपाल प्रहरीको एसएसपीहरुमा काठमाडौंका यसअघिका प्रहरी प्रमुख विश्व अधिकारी पहिलो वरियतामा थिए । उनीमाथि भदौ २३ गते जेनजी आन्दोलनका क्रममा अति बल प्रयोग गरेको आरोप छ ।

उनीमाथि छानबिन हुने भएकाले अहिले बढुवामा नपरेको प्रहरी प्रधान कार्यालय स्रोतको भनाइ छ ।

प्रकाशित मिति: आइतबार, कात्तिक ९, २०८२