समाज

राजुनाथ पाण्डेको निलम्बनविरुद्धको रिट खारेज

नेपाल शो

बुधबार, कात्तिक १२, २०८२

उच्च अदालत पाटनले काठमाडौं महानगरपालिकाका नगर प्रहरी प्रमुख राजुनाथ पाण्डेको निलम्बन सदर गरेको छ ।

न्यायाधीश डालबहादुर खड्का र दीपक खनालको इजलासले बुधबार राजुनाथ पाण्डेले आफ्नो निलम्बनविरुद्ध दिएको रिट खारेज गरेको हो ।

गत जेठ २० गते प्रमुख प्रशासकीय अधिकृत सरोज गुरागाईंले नगर प्रहरी प्रमुख पाण्डेलाई ६ महिनाका लागि निलम्बन गरेका थिए ।

तर पाण्डेले त्यसविरुद्ध उच्च अदालतमा रिट दिएपछि अदालतले निलम्बनको निर्णय कार्यान्वयन नगर्नु भनेर अन्तरिम आदेश दिएपछि पाण्डे काममा फर्किएका थिए ।

तर अन्तिम सुनुवाइ हुँदा उनको निलम्बन सदर भएको छ । उनको निलम्बन मंसिर २० गतेसम्मका लागि छ ।

प्रकाशित मिति: बुधबार, कात्तिक १२, २०८२

प्रतिक्रिया दिनुहोस्

नेपाल शो

नेपाल शो मल्टिमिडिया न्यूज पोर्टल हो ।

थप समाज

काठमाडौंमा मृगौला किनबेचको असफल प्रयास