साम्बा बिना नै नेपालले भारतलाई हरायो

स्ट्राइकर सावित्रा भण्डारी साम्बा बिना नै नेपालले भारतलाई हराएको छ । बुधबार भएको मैत्रीपूर्ण खेलमा नेपालले टाइब्रेकरमा भारतलाई ३–० ले हराएको हो ।

निर्धारित समयको खेल १–१ को बराबरीमा टुंगिएको थियो । टाइब्रेकरमा नेपालकी गोलरक्षक अञ्जना राना मगरले तीन पेनाल्टी रोकिन् भने भारतको एउटा प्रहार बाहिरिएको थियो । नेपालका लागि भने कप्तान अनिता बस्नेतको मात्र प्रहार बाहिरियो, अरुले गोल गरेका थिए ।

यसअघि निर्धारित समयको खेलमा भारततले ३०औं मिनेटमा अग्रता लिएको थियो । तर पहिलो हाफको इन्जुरी टाइममा नेपालले बराबरी गोल फर्काएका थिए ।

थ्री नेशन कपमा पनि नेपालले २–१ भारतलाई हराएको थियो । नेपालका लागि दुबै गोल गरेकी साम्बासँगै प्रिति राई विदेशको लिग खेल्न गएका कारण बुधबारको खेलमा अनुपस्थित थिए ।