एनपीएलका कतिवटा खेल फ्लड लाइटमा हुँदैछन् ?

नेपाल क्रिकेट संघ (क्यान)ले नेपाल प्रिमियर लिग (एनपीएल)को खेल तालिका सार्वजनिक गरेको छ । खेल तालिका अनुसार एनपीएलका २३ वटा खेल फ्डल लाइटमा हुने भएको छ । 

त्रिवि क्रिेट मैदानमा फ्लड लाइट जडानको काम नसकिएकाले एनपीएलका खेलहरु फ्डललाइटमा हुने/नहुने आशंका थियो । तर, क्यानले उद्घाटन खेल नै फ्लड लाइटमा गर्ने गरी तालिका सार्वजनिक गरेको छ । काठमाडौं गोर्खाज र जनकपुर बोल्ट्सले उद्घाटन खेल खेल्नेछन् । 

क्यानले फ्लड लाइटमा हुने अधिकांश खेलहरु बेलुका ४ बजे र केही खेल ३.३० बजेका लागि तोकेको छ ।  

साँझको सयममा खेल हुने भएपछि कार्यालय सकिएपछि काम सकेर क्रिकेट हेर्न जानेहरुलाई सहज हुने भएको छ । यो वर्ष रंगशालामा कुर्सी समेत जडान गरिएकाले फ्लड लाइटको खेललाई महत्वका साथ हेरिएको छ । 

क्यानले एनपीएलका ९ वटा खेल मात्रै विहान ११.४५ बाट सुरु हुने गरी  तालिका तय गरेको छ । मंसिर १ गतेदेखि सुरु हुने एनपीएलको दोस्रो सिजनको फाइनल मंसिर २७ गते हुनेछ । 

हेर्नुस् तालिका