विश्वकपमा नेपालले ३ टेस्ट राष्ट्रसँग खेल्ने, कुन खेल कहिले र कहाँ ?  

टी–२० विश्वकपमा नेपालले तीन टेस्ट राष्ट्रसँग खेल्ने भएको छ । नेपाल ‘समूह सी’मा परेको छ । जुन समूहमा इंगल्याण्ड, वेस्ट इन्डिज, बंगलादेश र इटाली छन् । 

यी चार वटै टिमसँग नेपालले प्रतिस्पर्धा गर्नेछ । २०२६को फेब्रुअरी ८ मा इंगल्यण्डँग, फेब्रुअरी १२मा इटालीसँग, फेब्रुअरी १५मा वेस्ट इन्डिजसँग र फेब्रुअरी १७मा बंगलादेशसँग खेल्नेछ । नेपालले आफ्ना सबै खेल मुम्बइमा खेल्नेछ । 

टि ट्वान्टी विश्वकप फेब्रुअरी ७ देखि मार्च ८सम्म भारत र श्रीलंकामा हुनेछ । नेपाल क्रिकेट संघले आफ्ना सबै खेल भारतमा नै राख्न पहल गरेको थियो । भारतमा खेल हुँदा धेरै नेपालीले सजिलै विश्वकप हेर्न जान पाउनेछन् । 

यो विश्वकपमा २० टोली सहभागी छन् । २० टोलीलाई ४ समूहमा विभाजन गरिएको छ । प्रत्येक समूहबाट शीर्ष २ टोली सुपर–८ मा जानेछन् । 

सुपर–८ मा २ समूह बनाएर खेल खेलाइनेछ । दुई समूहका शीर्ष २–२ टोली सेमिफाइनलमा पुग्ने छन् । सेमिफाइनल विजेता टिमबीच मार्च ८मा फाइनल हुनेछ ।