Cricball Show

'नेपालले विश्वकपमा इंग्ल्याण्डलाई पनि हराउन सक्छ'

नेपाल शो

शुक्रबार, मंसिर १२, २०८२

सुरुमा जानी नजानी क्रिकेट खेल्न सुरु गरियो, पछि रमाइलोका लागि खेलियो, पछि क्लब जिल्ला हुँदै नेपालको राष्ट्रिय टिमबाट पनि खेलेँ । राष्ट्रिष्य टिमबाट पनि वर्ल्ड कप खेल्ने भोक भयो त्यो पनि पूरा भयो । अहिले प्रशिक्षणतिर लागेको छु, अष्ट्रेलियामा पनि कोचिङ गर्छु, मलाई क्रिकेटको एक किसिमको लत लागेको छ ।
अष्ट्रेलियामा पछिल्लो दुई वर्ष त क्रिकेट खेलेँ । अहिले त्यहाँ पनि प्रशिक्षणमा लागेको छु ।
सन् २०१४ मा नेपालले पहिलो पटक टी–२० विश्वकप खेल्यो, त्यो नेपाली क्रिकेटका लागि कोशेढुंगा थियो । त्यसपछि नै नेपालमा क्रिकेट व्यवसायिक रुपमा विकास भयो ।
त्यतिबेला हामीले अफगानिस्तानलाई हरायौं, त्यसपछि नै नेपालले ठूला टिमहरुलाई हराउन सक्छ भन्ने देखायो ।
एक डेढ वर्षमा नेपालले क्रिकेटमा धेरै राम्रो गरेको छ । हामीले वेष्ट इन्डिजलाई हरायौं, स्कटल्याण्डलाई हरायौं ।
आउँदो टी–२० विश्वकपमा हामीले इंगल्याण्ड र वेष्ट इन्डिजजस्ता ठूला टिमसँग खेल्दैछौं । हामीले विश्वकपबाट देखाउनुपर्नेछ कि नेपाल पनि विश्वस्तरीय क्रिकेटका लागि तयार भइसकेको छ ।

सुवास खकुरेल नेपाली क्रिकेट टिमका पूर्वखेलाडी हुन् । पछिल्लो समय अष्ट्रेलियामा रहेका उनी नेपाल प्रिमियर लिग (एनपीएल) का लागि नेपाल आएका छन् । उनी हाल लुम्बिनी लायन्सको सहायक प्रशिक्षक रहेका छन् । खकुरेलसँगको थप कुराकानी भिडियोमा हेर्नुहोस् :

प्रकाशित मिति: शुक्रबार, मंसिर १२, २०८२