अष्ट्रेलियाका नेपाली किन चाहदैनन् घर फर्किन ?

नेपालबाट पूर्व दक्षिणतर्फ करिब साढे ९ हजार किलोमिटर टाढाको एउटा ठूलो टापु हो अष्ट्रेलिया । 

अष्ट्रेलिया र नेपालबीच करिब ६५ वर्षअघि कूटनीतिक सम्बन्ध कायम भएको थियो । त्यसपछि नेपालीहरु अध्ययनका लागि जान थाले ।

सन् २०२५ को जुन महिनासम्म अष्ट्रेलियामा नेपालीहरुको संख्या २ लााख १३ हजार ५८० पुगिसकेको छ । 

नेपालीहरु धेरै संख्यामा जान थालेको चाहिँ २०१५–१६ पछि नै हो । अष्ट्रेलियाको गृह मन्त्रालयका अनुसार सन् २०१४ सम्म अष्ट्रेलियामा नेपालीको संख्या जम्मा ४२ हजार ९०० थियो । 

तर सन् २०२१ मा १ लाख २२ हजार ५०६ पुग्यो । २०२४ मा १ लाख ९७ हजार ८०० र २०२५ मा २ लाख १३ हजार ५८० पुग्यो । 

यद्यपि अहिलेसम्म अष्ट्रेलियामा भएका नेपालीबारे अनुसन्धान भएकै थिएन । हालै सर्वाङ्गिण विकास अनुसन्धान केन्द्र आईआईडीएसले अष्ट्रेलियामा भएका नेपालीबारे विस्तृत अध्ययन गरेको छ ।