जेनजी शहीदका शालिक किन बेबारिसे ?

शहीदहरुको शालिक उनीहरुको सम्मानका लागि निर्माण गरिन्छ । कुनै पनि शहीदको शालिक देख्दा श्रद्धाले शीर निहुरिन्छ ।

तर सातदोवाटोस्थित राष्ट्रिय खेलकुद परिषदको परिसरमा जेनजी आन्दोलनका शहीदको शालिक देख्दा धेरैको मन कुँडिन्छ । किनकी यहाँ शहीदहरुको शालिक त्यसै असरल्ल छाडिएको छ । 

२०८२ भदौ २३ र २४ गते भएको जेनजी आन्दोलनमा ज्यान गुमाएका शहीदहरुको सम्झनामा सुशीला कार्की सरकारले राष्ट्रिय खेलकुद परिषद परिसरमा जेनजी पार्क बनाउने भनेको थियो । 

त्यतिबेलाका युवा तथा खेलकुदमन्त्री बब्लु गुप्ताले राष्ट्रिय खेलकुद परिषदको बोर्ड बैठकबाट पार्क निर्माणका लागि जग्गा दिने निर्णय पनि गराएका थिए । 

जेनजी आन्दोलनका ४५ शहीदमध्ये ४२ जनाको शालिक पनि बनाइयो । तर पार्क निर्माणको काम अघि बढाइएन, शहीदहरुको शालिक अलपत्र छ । 

विस्तृतमा बुझ्नका लागि भिडियो हेर्नुहोला :