होल्डिङ सेन्टरभित्र आँखा बिझाउने दृश्य

नुवाकोटमा बाढीबाट घरबास गुमाएकाहरु अहिले अस्थायी आवासमा बसिरहेका छन् । दाता र सरकारी निकायले दिएको राहत सामग्रीको भरमा उनीहरुको जीविका चलेको छ । 

नुवाकोटको विदुर नगरपालिकाको पिपलटारस्थित चन्द्रज्योति माध्यमिक विद्यालयमा होल्डिङ सेन्टर बनाइरहेको छ । त्यहाँ देवीघाटका बाढी पीडितलाई राखिएको छ । तर यहाँ बाढी पीडितहरुको बसोबास र खानाको व्यवस्थापन भद्रगोल छ ।

जताततै हिलो छ, खाना पकाउने र खाने ठाउँको सफाइमा ध्यान दिइएको छैन । राहत सामग्रीहरु भद्रगोल छ । बाढी पीडितका लागि दाताले दिएका पुरानो कपडा असरल्ल छ । त्यहाँ पनि बाढी पीडितहरु आफूलाई ठीक हुने लुगा छनोट गरिरहेका छन् । यहाँ बाढी पीडितका लागि चामल, चिउरा, चाउचाउ, पानी जस्ता राहत सामग्री प्रशस्त आएको छ । 

तर बाढी पीडितको चाहना भने अब खाना पकाउने भाँडाकुँडा, सुत्ने ओढ्ने ओछ्याउने जस्ता सामग्रीको छ । उनीहरु सधैं होल्डिङ सेन्टरमा बस्न चाहँदैनन् ।

सानै भए पनि आफ्नो छुट्टै आवास बनाउन पाएमा परिवारका सदस्य एक ठाउँमा बस्न पाइन्छ । अनि काममा जान पाइन्छ । तर सरकार अहिलेसम्म राहतमै केन्द्रित छ । पुनस्र्थापनातिर ध्यान दिन सकेको छैन । तर अब बाढी पीडितलाई राहत मात्र होइन, टहरो हालेर बस्न मिल्ने जग्गा चाहिएको छ 

हेर्नहोस् भिडियो :