बाढी प्रभावित बालबालिकाका लागि शेष घले दम्पतीले दिए झण्डै ५८ करोड

गैरआवासीय नेपाली शेष घले र उनकी पत्नी जमुना गुरुङले भोटेकोशी त्रिशुली बाढीबाट प्रभावित बालबालिकाका लागि ५७ करोड ८५ लाख रुपैयाँ सहयोग घोषणा गरेका छन् । 

बाढी प्रभावित १८ वर्षमुनिका बालबालिकाको कक्षा १२ सम्मको पढाइका लागि यो रकम सहयोग गरेको घलेले सामाजिक सञ्जाल एक्समार्फत जानकारी दिएका छन् । उनका अनुसार बालबालिकाको शिक्षा, खाना, आवास, लत्ताकपडा, स्वास्थ्य र अरु अत्यावश्यक आवश्यकता पूरा गर्न यो रकम सहयोग गरिएको हो । 

घलेको एमआईटी ग्रुप फाउन्डेसनले राष्ट्रिय बालअधिकार परिषदसँग समझदारी गरेको छ । 

घलेले बाढीबाट प्रभावित बालबालिकाका लागि अहिलेको जटिल परिस्थितिमा मात्र नभई वर्षौं वर्षसम्म सहयोग गर्ने बताएका छन् । 

‘जसले गर्दा उनीहरुलाई आफ्नो शिक्षा र अत्यावश्यक आवश्यकता पूरा गर्न र भविष्प्रति आशावादी हुन सहयोग पुग्छ’, घलेले भनेका छन् । 

सहयोगबारे शेष घलेले के भनेका छन् हेर्नुहोस् :