पाइलट जुधेपछि विमान खस्दै थियो, यात्रुले ककपिट सम्हाले..

फ्लाई दुबईको FZ 1073 विमान । दुबई इन्टरनेशन एयरपोर्टबाट इजरायलको तेल अविवस्थित बेन गुरियेन इन्टरनेशनल एयरपोर्टका लागि उडेको थियो ।  विमानमा १७४ जना यात्रु थिए । अधिकांश यात्रुहरु इजरायली थिए । 

सुरुवातमा विमानको उडान सामान्य थियो । फ्लाइट ट्र्याकिङ डेटाका अनुसार विमान करिव ३४ हजार फिट क्रुजिङ अल्टिच्युटमा पुगेको थियो । यो भनेको जमिनबाट करिव १० हजार किलोमिटर माथि हो । 

सबै कुरा सामान्य थियो । 

तर उडान सुरु भएको करिव दुई घन्टा १५ मिनेटपछि विमानको फ्लाइट पाथमा अचानक बदलियो ।विमान अचानक तीव्र रुपमा तल झर्‍यो । त्यसपछि केही क्षण विमान माथि उठेको देखिन्छ । र, फेरि तीव्र गतिमा तल झर्‍यो । 

यात्रुहरुले सुरुमा त के भएको भन्ने थाहै भएन । एक यात्रुको शब्दमा भन्दा त्यो अनुभव रोलर कोस्टर जस्तो थियो ।

तर केहीको ध्यान भने ककपिट तर्फबाट आएको आवाजतिर गयो । उनीहरुमध्येका एक ड्यानियलले टाइम्स अफ इजरायललाई दिएको विवरण अनुसार उनले ककपिट तर्फबाट अलिक फरक आवाज सुने । त्यो एक प्रकारले वादविवाद वा झगडाको जस्तो थियो ।